KISARAWE YATOA FURSA KWA WAWEKEZAJI

HALMASHAURI ya Manispaa ya Kisarawe, mkoani Pwani imetangaza viwanja 291 kwa ajili ya fursa za uwekezaji kwa wawekezaji wa ndani na nje kuanzia sasa.

Fursa hiyo inakuja baada ya wilaya hiyo kuanzisha Mradi wa Uendelezaji wa Ardhi, Mamlaka ya Mji Mdogo wa Kisarawe katika kipindi cha mwaka 2013/14.

Akizungumza na waandishi wa habari jana wilayani hapa, Mkurugenzi wa halmashauri hiyo, Mwanvua Mrindoko, alisema viwanja hivyo viko katika maeneo ambayo hayana migogoro.

Mrindoko alisema eneo hilo ambalo linafaa kwa ajili ya uwekezaji wa viwanda linapatikana katika Kijiji cha Visegese, kilomita nne kutoka mji mdogo wa Kisarawe.

“Katika eneo hili kuna njia mbili za reli ambazo zinapita karibu kabisa na eneo hili la uwekezaji, pia haliko mbali na Barabara ya Morogoro.

“Nawaomba kila anayehitaji kuwekeza anakaribishwa Kisarawe kwani fursa zote ikiwemo ubora wa miondombinu vinapatikana kirahisi,” alisema Mrindoko.

Naye Mwenyekiti wa halmashauri hiyo, Adam Ng’imba, aliwatahadharisha wananchi na kuwataka watambue kuwa ardhi isiyopimwa na kumilikishwa inakosa thamani halisi na kushindwa kumtajirisha mmiliki wake.

Mwenyekiti wa Halmashauri ya wilaya ya Kisarawe, Adam Ng’imba akizungumza na waandishi wa habari kwenye ukumbi wa Karimjee leo asubhi wakati alipotangaza mpango kabambe wa Uendelezaji Ardhi wa Mamlaka ya Mji Mdogo wa Kisarawe mbele ya waandishi wa habari , ambapo mji huo umepangwa maeneo maalum ya viwanda, biashara , Makazi , Michezo kwa kusaini mikataba kati ya halmashauri hiyo na wananchi ambapo asilimia 63 ya mapato inabakia kwa wananchi wenyewe ambao ndiyo wamiliki wa maeneo hayo na asilimia 37 inakwenda kwa Halmashauri ya wilaya ya Kisarawe,

Amesema mpango huo umeshirikisha wadau mbalimbali ambao ni wananchi wenyewe, Madiwani, Viongozi mbalimbali wa vyama vya Siasa, Kamati ya Ulinzi na Usalama ya wilaya, Usalama  wa Taifa  na Halmashauri yenyewe.

Viwanja hivyo vitauzwa kwa mnada ili kuwanufaisha zaidi wananchi ambao ndiyo wameingia mikataba na halmashauri ya Kisarawe, Pichani kulia ni Mkurugenzi wa Halmashauri ya wilaya ya Kisarawe Mwananvua Mrindoko.

Mkurugenzi wa Halmashauri ya wilaya ya Kisarawe Bi Mwananvua Mrindoko akizungumza katika mkutano huo kwenye ukumbi wa Karimjee jijini Dar es salaam, Katikati Ng’imba Mwenyekiti wa Halmashauri ya Kisarawe na kushoto ni Cheyo Kelege Afisa Ardhi na Maliasili Kisarawe.

Katikati ni Adam Ng’imba Mwenyekiti wa Halmashauri ya Kisarawe na kushoto ni Cheyo Kelege Afisa Ardhi na Maliasili Kisarawe na kulia ni Mkurugenzi wa Halmashauri ya wilaya ya Kisarawe Mwananvua Mrindoko wakizungumza na wanahabari kuhusu mradi huo.

Baadhi ya maofisa na wataalamu wa Halmashauri ya Wilaya ya Kisarawe wakiwa katika mkutano huo.

Baadhi ya madiwani na wanakamati wa mradi huo wakiwa kwenye mkutano huo.

Mkutano huo ukiendelea

Kitabu kinachouelezea mradi huo